Учество на настан „Промоција на унапредената ИТ алатка за следење на имплементацијата на Стратегијата за реформа на јавната администрација“
Денес, членот на Државната комисија за спречување на корупцијата Сервет Демири учествуваше на настанот на тема „Промоција на унапредената ИТ алатка за следење на имплементацијата на Стратегијата за реформа на јавната администрација“.
Со промовирањето на новата ИТ алатка се информираа сите засегнати страни за нејзината употреба, значење, и придобивките, како и потикнување на учесниците во активна соработка и имплементација.
На настанот во делот на панел – дискусија активно учество зема членот на Државната комисија за спречување на корупцијата Сервет Демири, кој во своето обраќање ја истакна важноста на дигиталните алатки во насока на зголемување на транспарентноста, отчетноста и ефикасното следење на работењето. Притоа беше нагласено дека ваквите решенија придонесуваат за јакнење на интегритетот и намалување на ризиците од корупција како и унапредување на борбата против корупција.
На настанот учествуваа високи претставници од државните институции, дипломатскиот кор, меѓународни и регионални организации, јавни службеници, како и претставници на граѓанскиот сектор.
Настанот вклучи и панел-дискусија посветена на зголемување на транспарентноста преку иновации и дигитализација, со учество на претставници од академската заедница, извршната власт и независните институции.
