ДКСК учествуваше на конференцијата за подобрување на ефективноста на системите за следење на имотната состојба и интересите одржана во Тренто, Италија
Државната комисија за спречување на корупцијата, во периодот од 19 до 20 фебруари 2026 година, на покана на Регионалната Антикорупциска иницијатива – RAI, учествуваше на финалната конференција на проектот „Современи знаења и иноватнивни алатки за проценка и подобрување на ефективноста на системите за следење на имотна состојба и интереси во земји членки на ЕУ и земји кандидати“ која се одржа во Тренто, Италија.
Целта на настанот беше презентирање на иновативните знаења и практични алатки за евалуација и подобрување на ефективноста на националните системи за декларирање на имотната состојба и интереси, како и идентификување на најдобрите практики и развој на рамки за анализа на ризиците до создавање на алатки за мерење на влијанието на истите.
На конференцијата излагање имаше претседателот на ДКСК Адем Чучуљ кој даде осврт на актуалната состојба и предизвиците со кои се соочува институцијата во делот на дигитализацијата на процесите за евидентирање и следење на имотната состојба и интересите на избраните и именуваните лица.
Покрај претседателот на ДКСК, своите искуства, пракса и знаење во делот на транспарентноста и дигитализација на процесите поврзани со имотната состојба и интересите на службените лица ги презентираа претставници од антикорупциски тела од Италија, Литванија, Полска, Украина, Романија и Хрватска.
На конференцијата покрај претставници од антикорупциски тела учествуваа и високи претставници од UNODC, RAI, Центарлната Европска Иницијатива, антикорупциски експерти, професори од правниот факултет во Тренто и невладини организации.
