Учество а Регионална конференција за спречување на корупцијата и проценка на корупциските ризици во Западен Балкан
Претседателот на ДКСК Адем Чучуљ и членовите Катерина Зајковска и Сервет Демири учествуваа на Регионалната конференција за спречување на корупцијата и проценка на корупциските ризици во Западен Балкан која се одржа на 30 септември и 1 октомври 2026 година во Скопје, во организација на Државниот завод за ревизија во соработка со Chartered Institute of Public Finance and Accountancy (CIPFA), Обединето Кралство.
Конференцијата претставуваше регионална платформа за размена на искуства, практики и пристапи во спречувањето на корупцијата, проценката на корупциските ризици, унапредувањето на институционалниот интегритет и зајакнувањето на отчетноста, со учество на претставници на врховните ревизорски институции, антикорупциските тела и институциите надлежни за јавните набавки од земјите од Западен Балкан, како и претставници на меѓународни организации и партнери.
Во рамки на отворањето на конференцијата, свои обраќања имаа м-р Максим Ацевски, главен државен ревизор, Антонио Милошоски, потпретседател на Собранието, проф. д-р Николче Јанкуловски, заменик-министер за финансии, како и претставници на меѓународната заедница и тоа Stefano Ellero, раководител на соработка во Делегацијата на Европската Унија, HE Christoph Sommer, амбасадор на Швајцарија, HE Iveta Hricová, амбасадорка на Словачката Република, HE Ola Sohlström, амбасадор на Шведска, Armen Grigoryan, постојан претставник на УНДП, и Anna Blackman, главен оперативен директор на CIPFA.
Во рамки на конференцијата беа разгледани меѓународните искуства, приоритетите и предизвиците во спречувањето на корупцијата, како и можностите за унапредување на институционалниот интегритет и одржливото влијание на реформите.
Претседателот Чучуљ беше панелист во делот на конференцијата во кој претставниците од антикорупциските тела од регионот ги споделија своите искуства во однос на националните пристапи кон спречувањето на корупцијата, институционалниот интегритет и проценката на корупциските ризици, со посебен осврт на координацијата меѓу институциите и регионалната соработка. Во своето обраќање тој се осврна на искуствата на ДКСК во спроведената проценка на ризици од корупција во различни сектори за потребите за изготвување на Националната стратегија 2026-2030 година како и искуствата во однос на воспоставувањето и уапредувањето на интегритетот во јавниот сектор.
