Учество на работилница за спроведување на UNCAC конвенцијата во Југоисточна Европа
Генералниот секретар на Државната комисија за спречување на корупцијата Адем Чучуљ и Раководителот на секторот за стратешко планирање и интегритет Маја Коневска учествуваа на работилница за спроведување на Конвенцијата на Обединетите нации против корупцијата (UNCAC) во Југоисточна Европа, што се одржа во Врдник, Србија од 08 до 10 април 2025 година.
Генералниот секретар на ДКСК Адем Чучуљ, беше еден од говорниците на сесијата посветена на разгледување на резултатите од примена на UNCAC конвенцијата во земјите од Југоисточна Европа, пришто се осврна на заклучоците и препораките од Годишниот извештај за спроведување на Националната стратегија за спречување на корупцијата и судирот на интереси за 2024 година како и планираните активности за изготвување на новата Национална стратегија 2026-2030 година.
На работилницата учествуваа претставници на државни органи, антикорупциски тела и на граѓанското општество, а со цел да се поттикне дијалог и споделелат добри практики и идеи за справување со корупцијата и организираниот криминал во Југоисточна Европа.
Работилницата беше организирана во рамките на програмата SEE-TAC II, со финансиска поддршка од Австриската агенција за развој, а имплементирана од Секретаријатот на РАИ во партнерство со UNDOC – Канцеларијата на Обединетите нации за дрога и криминал и Коалицијата UNCAC.
