Земјите од регионот во Охрид усвоија патоказ за борба против корупцијата и нелегалните финансии
Заменик Претседателот на Државната комисија за спречување на корупцијата, м-р Шемши Салаи, заедно со Вицепремиерот задолжен за борба против корупцијата, Љупчо Николовски, министерот за внатрешни работи Оливер Спасовски и министерот за правда Бојан Маричиќ, на 25.06.2021 г. во Охрид заедно со делегациите на антикорупциски органи од регионот, учествуваа во усвојувањето на Регионалниот патоказ за борба против корупција и нелегални финансиски текови за Западен Балкан.
Овој патоказ ќе се фокусира на неколку клучни области како што се јавните набавки, системите за обелоденување на имот, приходи и камати и создавањето на специјализирана оперативна мрежа на обвинители за корупција и економски криминал, агенциите за спроведување на законот и единиците за финансиско разузнавање во регионот. Оваа мрежа ќе се фокусира на проактивно таргетирање на типологиите на криминал како што се кривичните дела за корупција, криумчарење пари, перење пари преку секторот за недвижнини, корупција во спорт.
