Регионална работилница на тема: „Интегритет во јавниот сектор“
Генералниот секретар на ДКСК Адем Чучуљ и Раководителот на секторот за стратешко планирање Маја Коневска учествуваа на Регионална работилница на тема: „Интегритет во јавниот сектор“ која се одржa, во Будва, Црна Гора, во периодот од 25-26 јуни 2025 година, во организација на ReSPA.
На работилницата беа презенирани наодите од Нацрт-регионалната анализа на ReSPA за интегритетот на јавниот сектор. Анализата ги истакнува постојаните проблеми како што се слабото спроведување на прописите за интегритет, несоодветната заштита на укажувачите, политичкото мешање и недоволната транспарентност во изјавите за имотна состојба.
Во рамки на панел дискусијата посветена на искуствата од спроведувањето на Системот за интегритет во земјите од регионот, Генералниот секретар Адем Чучуљ се осврна на активностите на ДКСК преземени во изминатиот период во насока на промоција и имплементација на Политиката на интегитет, планираните активности за наредниот период како и на можностите и предизвиците со кои ДКСК се соочува на полето на промоцијата на личниот и институционалниот интегритет.
Работилницата ги собра клучните претставници од институциите за превенција и борба против корупцијата, институциите за обука на јавната администрација и министерствата за јавна администрација од целиот регион, заедно со експерти од Европската Унија и Франција.
На работилницата официјално беше промовирано започнување на Заедницата на практики за интегритет во јавниот сектор — платформа за соработка за поддршка на тековната размена на искуства, градење капацитети и спроведување на препораките што произлегуваат од анализата на ReSPA.
