Средба со Н.Е. Амбасадорот Килиан Вал

Претседателот на Државната комисија за спречување на корупцијата Адем Чучуљ одржа средба со Н.Е. Килиан Вал, амбасадор на Мисијата на ОБСЕ во Скопје.

На средбата претседателот Чучуљ искажа благодарност за долгогодишната поддршка на Мисијата за зајакнување на институционалните капацитети на ДКСК. Заедничките активности на ДКСК и Мисијата во насока на унапредување и јакнење на интегритетот во единиците на локалната самоуправа во годината која изминува се доказ за посветеноста за изградба на систем во кој ќе владее правото. Се радуваме на продолжувањето на соработката и во наредниот период, со планираните активности за јакнање на интегритетот во правосудството, искатка Чучуљ.

Мисијата останува целосно посветена на поддршката за ДКСК. Одлучни сме заедно да го зацврстиме институционалниот интегритет, да го унапредиме доброто владеење, и да негуваме проактивен пристап за спречување на корупцијата, одразувајќи ја заедничката посветеност кон реформската агенда на земјата и евро-интеграциските приоритети, нагласи во своето обраќање Амбасадорот Вал.