Одржан работен состанок помеѓу Државната комисија за спречување на корупцијата и Платформата на граѓански организации за борба против корупција за подготовка на новата Национална стратегија за спречување на корупцијата и судирот на интереси 2026-2030
Националната стратегија за спречување на корупцијата и судирот на интереси 2026-2030, ДКСК треба да ја донесе најдоцна до крајот на 2025 година, а истата се подготвува во широк инклузивен процес, со учество на претставници на државни органи, институции, здруженија, фондации, приватен сектор и медиуми.
Во таа насока, на 17.09.2025 година, во просториите на Државната комисија за спречување на корупцијата (ДКСК) се одржа работен состанок со претставници на Платформата на Граѓански организации за борба против корупцијата, на кој беа разгледани и дискутирани подготвените документи – Проценка на ризици од корупција за потребите на изработката на Националната стратегија за спречување на корупцијата и судирот на интереси 2026-2030 (НС2026-2030) и Методологија за подготовка на НС2026-2030 од страна на експертите ангажирани преку УНДОЦ и НДИ.
На работниот состанок, кој помина во позитивна работна атмосфера, беше дискутирано и за наредните активности во процесот на подготовка на НС2026-2030.
Сите учесници истакнаа дека новата Национална стратегија потребно е да биде концизна, фокусирана и ефективна со активности насочени кон ефикасно спречување на корупцијата и судирот на интереси.
