Средба на ДКСК со ИПА 2020 проектот „Поддршка на ЕУ за владеење на правото“
На 12.12.2025 година во просториите на Државната комисија за спречување на корупцијата, Претседателот на Државната комисија г-дин Адем Чучуљ оствари средба со г-дин Дитер Шиндлауер, Тим лидер на ИПА 2020 проектот „Поддршка на ЕУ за владеење на правото“ и г-дин Роман Прах лидер на компонентата 3 – Борба против корупцијата.
На средбата претседателот Чучуљ искажа благодарност за поддршката на проектот во насока на зајакнување на мандатот на ДКСК и во унапредувањето на спроведувањето на надлежностите согласно закон, воглавно во делот на проверка на имотната состојба, развивањето на Националната стратегија за спречување на корупција и судир на интереси 2026-2030, спроведување на кампања за лобирање и кон зајакнување на транспарентноста и отчетноста на институцијата.”
Од страна на проектот се изрази задоволство за изборот на новиот претседател со надеж дека соработката ќе продолжи и во наредниот период со забрзано темпо и поголем интензитет. Понуди отворена соработка и спремност за поддршка на дополнителни активности во рамките на финансиските и експертските можности на проектот.
