Takim me përfaqësuesit e Këshillit të Evropës

Sot, në hapsirat e Komisionit Shtetëror për Parandalimin e Korrupsionit, u mbajt një takim fillestar mes anëtarëve të Komisionit Shtetëror për Parandalimin e Korrupsionit me përfaqësuesit e Delegacionit të Këshillit të Evropës.

Iniciativa për mbajtjen e takimit ishte në kuadër të nevojës dhe interesit për përparimin e bashkëpunimit të vendosur si dhe shkëmbimin e ideve për bashkëpunim të ardhshëm.

Delegacioni i Këshillit të Evropës u drejtua nga udhëheqësi i Zyrës Programore të Këshillit të Evropës në Shkup, z. Oleg Soldatov, i cili foli për bashkëpunimin e suksesshëm deri më tani, duke theksuar gatishmërinë e Këshillit të Evropës për mbështetjen e ardhshme të KSHPK-së në drejtim të forcimit të kapaciteteve të saj dhe realizimit të aktiviteteve të ardhshme.

Përfaqësuesit e Këshillit të Evropës iu referuan aktiviteteve në kuadër të Projektit kundër Krimit Ekonomik, të zbatuar nga Këshilli i Evropës, në të cilin projekti KSHPK-së ishte një nga përfituesit kryesorë.

Zëvendëskryetari z. Servet Demiri, në emër të KSHPK-së, shprehu kënaqësinë për gatishmërinë e Zyrës Programe të Këshillit të Evropës për të çuar përpara bashkëpunimin si dhe përkrahjen e ofruar, duke theksuar rëndësinë e bashkëpunimit të KSHPK-së me Këshillin e Evropës në drejtim të ushtrimit më efikas të kompetencave të saj ligjore.