U mbajt takim pune mes Komisionit Shtetëror për Parandalimin e Korrupsionit dhe Platformës së organizatave qytetare për luftën kundër korrupsionit, për përgatitjen e Strategjisë së re Kombëtare për Parandalimin e Korrupsionit dhe Konfliktit të Interesit 2026–2030

Strategjia Kombëtare për Parandalimin e Korrupsionit dhe Konfliktit të Interesit 2026–2030 duhet të miratohet nga Komisioni Shtetëror për Parandalimin e Korrupsionit më së voni deri në fund të vitit 2025. Ajo po përgatitet përmes një procesi gjithëpërfshirës, me pjesëmarrjen e përfaqësuesve të organeve shtetërore, institucioneve, shoqatave, fondacioneve, sektorit privat dhe mediave.

Në këtë drejtim, më 17 shtator 2025, në ambientet e Komisionit Shtetëror për Parandalimin e Korrupsionit (KSHPK), u mbajt takim pune me përfaqësues të Platformës së Organizatave Qytetare për Luftën kundër Korrupsionit, gjatë të cilit u shqyrtuan dhe u diskutuan dokumentet e përgatitura – Vlerësimi i rreziqeve nga korrupsioni për nevojat e hartimit të Strategjisë Kombëtare për Parandalimin e Korrupsionit dhe Konfliktit të Interesit 2026–2030 (SK2026–2030), si dhe Metodologjia për përgatitjen e SK2026–2030, të hartuara nga ekspertët e angazhuar përmes UNODC dhe NDI.

Në takimin e punës, i cili u zhvillua në një atmosferë konstruktive dhe bashkëpunuese, u diskutuan edhe aktivitetet e ardhshme në kuadër të hartimit të Strategjisë Kombëtare 2026–2030.

Të gjithë pjesëmarrësit theksuan se Strategjia e re Kombëtare duhet të jetë e përmbledhur, e fokusuar dhe efektive me aktivitete të drejtuara drejt parandalimit efikas të korrupsionit dhe konfliktit të interesave.