Komisioni Shtetërorë për Parandalimin e Korrupsionit u bë anëtar i rrjetit kundër-korrupsion EPAC/EACN
Sot, Komisioni shtetëror për parandalimin e korrupsionit u pranua si anëtar i plotë në një nga rrjetet më të vjetra kundër korrupsion në Evropë – Rrjeti Evropian i Partnerëve Kundër Korrupsionit / Rrjeti Evropian Kundër Korrupsionit (EPAC/EACN).
Anëtarësimi i KSHPK-së në këtë rrjet pasoi pas ftesës nga Drejtori i Shërbimit të Posaçëm për Hetime të Lituanisë, z. Linas Pernavas, i cili gjithashtu është President i rrjetit EPAC/EACN, për pjesëmarrje në Konferencën Profesionale Vjetore dhe Asamblenë e Përgjithshme të EPAC, që u mbajt më 26-27 nëntor 2024 në Bukuresht, Rumani.
Në seancën e fundit të ngjarjes që u mbajt sot, një fjalim përshëndetës dhe prezantim të Komisionit Shtetëror për Parandalimin e Korrupsionit e mbajti anëtari Zoran Bogoevski.
Në fjalimin e tij, Bogoevski, në emër të KSHPK-së, theksoi mirënjohjen për ftesën për anëtarësim në EPAC, duke theksuar se me anëtarësimin në këtë rrjet, KSHPK-ja do ta forcojë dhe përmirësojë ndjeshëm angazhimin e saj në luftën kundër korrupsionit dhe do ta fuqizojë pozitat e saj në skenën ndërkombëtare, duke hapur mundësi të reja për shkëmbimin e përvojave, praktikave të mira dhe ekspertizës me institucione të ngjashme në të gjithë Evropën.
Z. Bogoevski shkurtimisht informoi për statusin dhe kompetencat ligjore të KSHPK-së, si dhe për vlerat dhe përfitimet që do të dalin nga anëtarësimi në rrjet dhe bashkëpunimi me të gjithë partnerët në të. Ai gjithashtu theksoi gatishmërinë e KSHPK-së për kontributin që mund të japë përmes angazhimit për bashkëpunim të vazhdueshëm ndërkombëtar, duke transferuar përvojat e saj në luftën kundër korrupsionit, veçanërisht në kontekstin post-tranzicion, që do të jetë shumë i dobishëm për anëtarët e tjerë të rrjetit.
Në Asamblenë e Përgjithshme u miratua dhe u përfundua dokumenti – Deklarata e Bukureshtit, e cila do të ndahet me të gjitha anëtarët e plotë të rrjetit, si dhe me organizatat ndërkombëtare.
