Pjesëmarrje në punëtori me temë “Shfrytëzimi i inteligjencës kolektive: Trendet, problemet, mundësitë dhe praktikat më të mira për përmirësimin e luftës kundër korrupsionit në Ballkanin Perëndimor në mbështetje të agjendës reformuese të BE-së'”

Udhëheqësja e sektorit për planifikim strategjik dhe integritet, Maja Konevska, mori pjesë në punëtorinë me temë: “Shfrytëzimi i inteligjencës kolektive: Trende, probleme, mundësi dhe praktikat më të mira për përmirësimin e luftës kundër korrupsionit në Ballkanin Perëndimor në mbështetje të agjendës reformuese të BE-së”, e cila u mbajt në Prishtinë, Kosovë, në periudhën nga 2 deri më 4 qershor 2025.

Punëtoria ishte pjesë e aktiviteteve në kuadër të një projekti të UNDP-së, dhe në të, përveç Komisionit Shtetëror, morën pjesë edhe përfaqësues të Agjencisë për Parandalimin e Korrupsionit të Kosovës, Agjencisë për Parandalimin e Korrupsionit – Mali i Zi dhe Agjencisë për Parandalimin e Korrupsionit dhe Koordinimin e Luftës kundër Korrupsionit– Bosnje dhe Hercegovinë, si dhe ekspertë dhe përfaqësues të UNDP-së.

U shkëmbyen përvoja dhe praktika pozitive nga vendet e rajonit, si dhe nga delegacioni i Republikës së Koresë, me një fokus të veçantë në platformën “Clean Portal”, një mjet i fuqishëm për sigurimin e transparencës dhe llogaridhënies në luftën kundër korrupsionit dhe më gjerë, në forcimin e përpjekjeve globale kundër korrupsionit.

Delegacioni gjithashtu e vizitoi Agjencinë Kundër Korrupsionit, e cila prezantoi iniciativat kundër korrupsionit dhe platformën inovative për raportimin e korrupsionit, një mjet kyç për promovimin e transparencës dhe angazhimit qytetar, të zhvilluar me mbështetjen e Qendrës së Politikave të UNDP-së në Seul.