KSHPK-ja mori pjesë në konferencën për përmirësimin e efektivitetit të sistemeve për monitorimin e gjendjes pasurore dhe interesave, e mbajtur në Trento, Itali

Komisioni Shtetëror për Parandalimin e Korrupsionit, në periudhën nga 19 deri më 20 shkurt 2026, me ftesë të Iniciativës Rajonale Kundër Korrupsionit – RAI, mori pjesë në konferencën përmbyllëse të projektit “Njohuri bashkëkohore dhe mjete inovative për vlerësimin dhe përmirësimin e efektivitetit të sistemeve për monitorimin e gjendjes pasurore dhe interesave në vendet anëtare të BE-së dhe vendet kandidate”, e cila u mbajt në Trento, Itali.

Ngjarja kishte për qëllim prezantimin e qasjeve inovative dhe mjeteve konkrete për vlerësimin dhe rritjen e efektivitetit të sistemeve kombëtare të deklarimit të pasurisë dhe interesave, si dhe evidentimin e praktikave më të mira, hartimin e kornizave për analizën e rrezikut dhe zhvillimin e mekanizmave për matjen e ndikimit të tyre.

Në konferencë fjalim mbajti krietari i KSHPK-së, Adem Çuçul, i cili bëri një pasqyrë të situatës aktuale dhe sfidave që përballen institucionet në digjitalizimin e proceseve për regjistrimin dhe monitorimin e pasurisë dhe interesave të personave të zgjedhur dhe të emëruar.

Përveç kryetarit të KSHPK-së, përvojat, praktikat dhe njohuritë e tyre në fushën e transparencës dhe digjitalizimit të proceseve të lidhura me pasurinë dhe interesat e zyrtarëve publikë i prezantuan përfaqësues nga organe të kundërkorrupsionit të Italisë, Lituanisë, Polonisë, Ukrainës, Rumani dhe Kroacisë.

Në konferencë, përveç përfaqësuesve të organeve të kundërkorrupsionit, morën pjesë edhe përfaqësues të lartë nga UNODC, Iniciativa Rajonale Kundërkorrupsionit – RAI, Iniciativa Qendrore Evropiane, ekspertë kundërkorrupsion, profesorë të Fakultetit të Drejtësisë në Trento, si dhe përfaqësues të organizatave joqeveritare.