KSHPK ishte pjesë e Karvanit kundër korrupsionit në Manastir

Komisioni Shtetëror për Parandalimin e Korrupsionit, sot në Manastir, ishte pjesë e Karvanit kundër korrupsionit të organizuar nga programi „Qytetarët kundër korrupsionit“, i financuar nga USAID dhe i realizuar nga QNBM (MCMS).

Në fjalimin e saj, kryetarja e KSHPK-së, Tatjana Dimitrovska, përveç të tjerash, theksoi se Karvani Antikorrupsion ka për detyrë të kujtojë se drejtësia dhe nderi nuk janë vetëm fjalë, por janë parime mbi të cilat duhet të veprojmë. “Ky projekt „Qytetarët kundër korrupsionit“ është shumë i rëndësishëm dhe pa mbështetjen e qytetarëve, pa bashkëpunimin e institucioneve, nuk do të mund të arrijmë shumë. Denoncimet nga qytetarët dhe aktivitetet tona janë të rëndësishme për këtë shoqëri, dhe për këtë arsye detyra jonë është që t’u japim mundësi qytetarëve”, shtoi kryetarja Dimitrovska.

Përveç KSHPK-së, pjesë e Karvanit kundër korrupsionit ishin edhe USAID, Zëvendëskryeministri i Qeverisë përgjegjës për qeverisje të mirë, Drejtoria e Policisë Financiare, Prokuroria Publike në Manastir dhe komuna e Manastirit, duke demonstruar së bashku një qasje të integruar dhe gjithëpërfshirëse për hapjen e bashkëpunimit me qytetarët në luftën kundër korrupsionit.

Pjesëmarrësit në karvanin kundër korrupsionit dërguan një mesazh të përbashkët se në luftën kundër korrupsionit duhet të veprohet së bashku dhe me mbështetje nga qytetarët.