KSHPK-ja dhe NDI-ja nënshkruan marrëveshje për donacionin e pajisjeve teknike për avancimin e kapaciteteve institucionale

Komisioni Shtetëror për Parandalimin e Korrupsionit dhe Instituti Kombëtar Demokratik për Çështje Ndërkombëtare – NDI sot nënshkruan Marrëveshje për donacionin e pajisjeve teknike, me qëllim avancimin e kapaciteteve teknike të Komisionit dhe mbështetjen e punës së tij të përditshme.

Donacioni realizohet në kuadër të bashkëpunimit ndërmjet KSHPK-së dhe NDI-së, përmes projekteve të mbështetura nga Zvicra dhe Suedia, të orientuara drejt forcimit të rezistencës ndaj korrupsionit, mbështetjes së vetëqeverisjes lokale dhe ndërtimit të komuniteteve me integritet.

Me donacionin sigurohet pajisje informatike-teknike, e cila do të kontribuojë në realizimin më efikas, më bashkëkohor dhe më të digjitalizuar të aktiviteteve të KSHPK-së, veçanërisht në fushën e edukimit, trajnimeve, komunikimit, bashkëpunimit institucional dhe forcimit të integritetit.

Në këtë ngjarje morën pjesë përfaqësues të Institutit Kombëtar Demokratik, përfaqësues i Ambasadës së Zvicrës në Maqedoninë e Veriut dhe përfaqësues të Komisionit Shtetëror për Parandalimin e Korrupsionit.

Kryetari i KSHPK-së, Adem Çuçul, shprehu mirënjohje për mbështetjen e vazhdueshme nga NDI-ja dhe donatorët, duke theksuar se investimi në kapacitetet institucionale është investim në parandalim më të fuqishëm, efikasitet më të madh dhe shërbime më të mira për institucionet dhe qytetarët.

 “Lufta kundër korrupsionit nuk ndërtohet vetëm përmes ligjeve dhe procedurave, por edhe përmes institucioneve të fuqishme, mjeteve bashkëkohore dhe partneriteteve të bazuara në besim. Kjo mbështetje për KSHPK-në përfaqëson një kontribut konkret për ushtrimin më efikas të kompetencave tona dhe për forcimin e sistemit të integritetit”, u theksua në këtë ngjarje.

KSHPK-ja e vlerëson mbështetjen nga NDI-ja si një kontribut të rëndësishëm në zhvillimin e mekanizmave parandalues kundër korrupsionit, veçanërisht në fushën e edukimit, bashkëpunimit me institucionet dhe mbështetjes së komuniteteve lokale në ndërtimin e një kulture të integritetit.

Komisioni do të vazhdojë ta avancojë bashkëpunimin me partnerët ndërkombëtarë, me qëllim forcimin e qëndrueshmërisë institucionale, avancimin e parandalimit të korrupsionit dhe promovimin e integritetit si vlerë praktike në sektorin publik.