KSHPK-ja do të marrë të dhëna në mënyrë elektoronike nga Depozituesi Qendror i Letrave me Vlerë
Komisioni Shtetëror për Parandalimin e Korrupsionit, për nevojat e veprimtarisë së tij kompetente, nga Depozitusi Qendror I letrave me Vlerë do të marrë të dhëna në formë elektronike.
Ky bashkëpunim u mundësua me marrëveshjen për shkëmbim të të dhënave dhe bashkëpunimit të lidhur më 26.07.2023, ndërmjet Komisionit Shtetëror për Parandalimin e Korrupsionit, të përfaqësuar nga Kryetarja Bijana Ivanovska dhe Depozitës Qendrore të Letrave me Vlerë, të përfaqësuar nga Drejtoresha Ekzekutive Darinka Damjanoviq.
Shkarkimi elektronik i të dhënave nga Depozita Qendrore e Letrave me Vlerë do të jetë pjesë e zgjidhjes së re softuerike të Komisionit Shtetëror për Parandalimin e Korrupsionit, e cila është në fazën përfundimtare dhe përfshin disa module: paraqitjen elektronike të gjendjes së pasurive dhe interesave, regjistrin e personave të zgjedhur dhe të emëruar dhe shkëmbimin elektronik të të dhënave me më shumë organe dhe institucione shtetërore.
Me nënshkrimin e marrëveshjes Komisionit Shtetëror do t’i mundësohet të mbledhë të dhënat e nevojshme me të cilat disponon Depozita Qendrore e Letrave me Vlerë në formë elektronike pa dorëzuar kërkesa me shkrim, gjë që do të kontribuojë në rritjen e efikasitetit dhe efektivitetit në zbatimin e kompetencave të tij ligjore, veçanërisht në pjesën e regjistrimit dhe ndjekjes së gjendjes së pasurive dhe interesave.