LUFTA KUNDËR KORRUPSIONIT PËRMES PROMOVIMIT TË PËRGJEGJËSISË, INTEGRITETIT DHE TRANSPARENCËS

Lufta kundër korrupsionit në Maqedoninë e Veriut duhet të zhvillohet në të gjitha nivelet për të qenë e suksesshme. Nga ballafaqimi me gjërat e vogla, të përditshme që nxisin sjelljen dhe kulturën e ndëshkimit, deri te korrupsioni i madh që çon në institucione jofunksionale dhe pengon zhvillimin e vendit. Konventa e Kombeve të Bashkuara kundër korrupsionit si një instrument global i fokusuar në nxitjen e përgjegjësisë, integritetit dhe transparencës ka zhvilluar mënyra dhe masa efektive që mund të kontribuojnë në uljen e nivelit të korrupsionit në vend në të gjitha nivelet dhe në të njëjtën kohë të nxisin qeverisjen e mirë. Këto janë pjesë e konkluzioneve të konferencës “Standardet e Integritetit në Sektorin Publik sipas Konventës së Kombeve të Bashkuara kundër Korrupsionit”, e cila u mbajt më 12.10.2022, në organizimin e Ministrisë së Drejtësisë dhe UNDP-së, dhe në të cilën mori pjesë edhe Komisioni Shtetëror për Parandalimin e Korrupsionit.

Në fjalimin e tij në konferencë, z. Vladimir Georgiev, Zëvendës Kryetar i KSHPK-së, vuri në dukje, ndër të tjera, se: “Struktura e Konventës së Kombeve të Bashkuara kundër korrupsionit tregon se është e nevojshme një sistem i plotë kundër-korrupsion që përfshin masa parandaluese, kriminalizimin, konfiskimin dhe kthimin e pasurisë, si dhe bashkëpunimin ndërkombëtar. Përveç reagimit efektiv ndaj autorëve të korrupsionit, janë të nevojshme edhe masa që do të zvogëlojnë rreziqet e korrupsionit, por edhe do të forcojnë ndërgjegjësimin dhe integritetin e personave zyrtar. Është gjithashtu e rëndësishme që të krijohen kanale efektive për denoncimin e korrupsionit dhe mbrojtjen e denoncuesve.“