Nënshkruhet memorandum bashkëpunimi ndërmjet Komisionit Shtetëror për Parandalimin e Korrupsionit dhe Dhomës Ekonomike të Maqedonisë së Veriut
Kryetarja e Komisionit Shtetëror për Parandalimin e Korrupsionit, Tatjana Dimitrovska, dhe kryetari i Dhomës Ekonomike të Maqedonisë së Veriut, Branko Azeski, në prani të anëtarëve të KSHPK-së dhe menaxhmentit të Dhomës Ekonomike, nënshkruan memorandum për bashkëpunim.
Me Memorandumin, definohen fushat dhe mënyra e bashkëpunimit të ndërsjellë në drejtim të aktiviteteve të përbashkëta për parandalimin e korrupsionit dhe forcimin e integritetit, pjesëmarrja në grupe punuese për ndryshimin e legjislacionit dhe rregullativës tjetër në fushën e parandalimit të korrupsionit dhe konfliktit të interesave, bashkëpunimi në procesin e përpilimit të strategjisë kombëtare të re për parandalimin e korrupsionit dhe konfliktit të interesave dhe implementimi i aktiviteteve të saj, realizimi i ngjarjeve – debate publike, puntori, konferenca, trajnime dhe aktivitete të tjera të orientuara për rritjen e vetëdijes së publikut për çështje që lidhen me parandalimin e korrupsionit dhe forcimin e integritetit.
Kryetarja e KSHPK-së, Tatjana Dimitrovska, në fjalimin e saj theksoi rëndësinë e nevojës për bashkëpunim të vazhdueshëm ndërmjet institucioneve dhe sektorit të biznesit, me qëllim një qasje strategjike dhe gjithëpërfshirëse për uljen e korrupsionit, forcimin e transparencës dhe, si pasojë, rritjen e besimit të gjithë shoqërisë në funksionimin e sistemit. Ajo theksoi se është e nevojshme një angazhim më i madh i sektorit privat në identifikimin e dobësive sistematike, sidomos në procesin e përpilimit të Strategjisë Kombëtare të re, me qëllim përcaktimin e aktiviteteve të zbatueshme që do të kontribuonin në ngushtimin e hapësirës për veprime korruptive, shtoi kryetarja Dimitrovska.
Kryetari i Dhomës Ekonomike, Branko Azeski, theksoi se institucione funksionale janë të nevojshme për krijimin e kushteve për një sektor konkurrues të biznesit. Ai shtoi se janë të nevojshme përpjekje të përbashkëta nga të gjithë aktorët në luftën kundër korrupsionit dhe ekonomisë gri, përmirësimin e shërbimeve të institucioneve publike dhe përmirësimin e kushteve për biznes. Kryetari Azeski theksoi gatishmërinë e Dhomës Ekonomike për bashkëpunim me KSHPK-në dhe ofrimin e mbështetjes për realizimin e kompetencave të saj ligjore.
