Njoftim – tryezë e rrumbullakët me temë “Kultura e Integritetit – Rruga drejt suksesit në luftën kundër korrupsionit”
Në organizimin e Komisionit Shtetëror për Parandalimin e Korrupsionit, më 17.mars.2022, në hapësirat e Qeverisë së Republikës së Maqedonisë së Veriut u mbajt tryezë e rrumbullakët me temë “Kultura e Integritetit – Rruga drejt suksesit në luftën kundër korrupsionit”.
Në ngjarjen që është pjesë e projektit ”Promovimi i transparencës dhe përgjegjësisë në administratën publike të Maqedonisë së Veriut”, përveç kryetares dhe anëtarëve të KSHPK-së, me fjalimet e veta morën pjesë edhe Kryeministri i Qeverisë së Republikës së Maqedonisë së Veriut, Dimitar Kovaçevski, Zëvendëskryeministrja e Qeverisë përgjegjëse për politika të qeverisjes së mirë Sllavica Grkovska, Ministri i Punëve të Brendshme Oliver Spasovski, Ministri i Drejtësisë Nikolla Tupançeski, Ministri i Shoqërisë Informatike dhe Administratës Admirim Aliti, Ministri i Vetëqeverisjes Lokale Goran Milevski, drejtoresha e Drejtorisë së të Ardhurave Publike Sanja Lukarevska, Zëvendës Shefja e Delegacionit të BE-së në vendin tonë Julian Vassalo dhe përfaqësues të tjerë të institucioneve qeveritare.
Komisioni Shtetëror për Parandalimin e Korrupsionit përmes kësaj ngjarjeje theksoi angazhimet e të gjitha institucioneve në drejtim të futjes së plotë të sistemit të integritetit, zbatimit të saktë të Ligjit për Mbrojtjen e Individëve dhe përmbushjes me sukses të rekomandimeve nga GRECO, në drejtim të zbulimit dhe menaxhimit të konfliktit të interesave të përfaqësuesve të pushtetit ekzekutiv.
Kryetarja e Komisionit Shtetëror për Parandalimin e Korrupsionit Biljana Ivanovska, kujtoi të pranishmit dhe theksoi se qëllimi përfundimtar i tryezës së rrumbullakët është vendosja e një linje të barabartë në të cilën do të lëvizin të gjitha institucionet, një drejtim që do të njihet nga të gjithë dhe përgjegjësi që do të na sjellë në një nivel më të lartë të bashkëpunimit. Me këtë, ai dërgoi mesazhin se të gjitha angazhimet e KSHPK-së duhet të jenë motive të përbashkëta për sukses, dhe çdo njeri i parë në instancën e tij duhet të bëjë gjithçka në fuqinë e tij për t’i arritur dhe ndjekur ato.
Kryeministri i Republikës së Maqedonisë së Veriut Dimitar Kovaçevski në fjalimin e tij theksoi rëndësinë e njohjes, parandalimit dhe ndëshkimit të të gjitha formave të korrupsionit në institucione dhe shoqëri në përgjithësi.
Zëvendës shefja e Delegacionit të BE-së, Julian Vassalo theksoi rëndësinë e integritetit të institucioneve, me një mesazh për të gjithë të pranishmit se të gjithë si individë në institucionet, partitë politike, mediat apo degët e tjera të shoqërisë, jemi të barabartë të rëndësishëm për kontributin në sundimin e ligjit, përmes përkushtimit tonë dhe profesionalizmit, rezistencës ndaj presioneve.
Zëvendëskryeministrja përgjegjëse për politika të qeverisjes së mirë Slavica Grkovska theksoi rëndësinë e marrjes së vendimeve të përgjegjshme, inkluzive dhe transparente në të gjitha nivelet, për arritjen e unitetit në luftën e pa kompromis kundër korrupsionit dhe krimit në të gjitha nivelet, duke i bërë thirrje të gjitha institucioneve të bashkëpunojnë me Komisionin Shtetëror për Parandalimin e Korrupsionit dhe me Qeverinë.
Në tryezën e rrumbullakët u përfundua se lufta kundër korrupsionit është një proces që kërkon unitet, bashkëpunim dhe kontribut nga të gjithë aktorët. Në këtë drejtim, Komisioni Shtetëror për Parandalimin e Korrupsionit theksoi nevojën për forcimin dhe përmirësimin e koordinimit midis institucioneve kompetente, ministrive dhe institucioneve të pavarura, si dhe sektorit jo-qeveritar dhe privat.
