Pjesëmarrje në Konferencën Ndërkombëtare me rastin e 15-vjetorit të Agjencisë për Parandalimin e Korrupsionit në Serbi
Komisioni Shtetëror për Parandalimin e Korrupsionit mori pjesë në Konferencën Ndërkombëtare të organizuar me rastin e 15-vjetorit të themelimit të Agjencisë për Parandalimin e Korrupsionit në Serbi.
Konferenca Ndërkombëtare e titulluar “15 vjet zhvillim i mekanizmave antikorrupsion bazuar në bashkëpunimin ndërinstitucional ndërkombëtar” u mbajt në Beograd më 9 dhjetor 2025, e organizuar nga Agjencia për Parandalimin e Korrupsionit dhe Misioni i OSBE-së në Serbi.
Nënkryetarja e Komisionit Shtetëror për Parandalimin e Korrupsionit, znj. Cveta Ristovska, ishte pjesë e diskutimit në panel me temën “Bashkëpunimi kundërkorrupsion – qëllime të përbashkëta”.
Nënkryetarja Ristovska në fjalimin e saj u ndal te mundësitë dhe sfidat për bashkëpunim rajonal në drejtim të parandalimit dhe luftës më efikase kundër korrupsionit.
Në konferencë morën pjesë përfaqësues të lartë nga pushteti legjislativ, ekzekutiv dhe gjyqësor në Serbi, organe antikorrupsionale nga rajoni, përfaqësues të organizatave ndërkombëtare, sektori joqeveritar dhe mediat.
