Pjesëmarrje në Konferencën Rajonale të dedikuar për integritetin gjyqësor dhe prokurorial

Komisioni Shtetëror për Parandalimin e Korrupsionit mori pjesë në Konferencën Rajonale të dedikuar për integritetin gjyqësor dhe prokurorial, e cila u mbajt në Tiranë më 25 dhe 26 shtator 2025. Konferenca, që bashkoi institucionet e drejtësisë nga gjashtë vende të rajonit, u organizua në mënyrë të përbashkët nga Inspektori i Lartë i Drejtësisë i Republikës së Shqipërisë dhe Prania e OSBE-së në Shqipëri, në bashkëpunim me Misionet e OSBE-së në Beograd, Podgoricë, Prishtinë, Sarajevë dhe Shkup.

Gjatë dy ditëve, liderët dhe përfaqësuesit e institucioneve nga rajoni diskutuan mbi tre tema kryesore: parimet dhe funksionimi i institucioneve gjyqësore inspektuese, roli i tyre në mbrojtjen e parimeve demokratike dhe promovimin e integritetit, si dhe kontributi i tyre në kontekstin e procesit të integrimit në BE.

Në Konferencë fjalim mbajti anëtarja e Komisionit Shtetëror për Parandalimin e Korrupsionit, Sofia Spasova Medarska, e cila u ndal te roli, kontributi dhe aktivitetet aktuale që Komisioni po i zbaton në drejtim të forcimit të integritetit në drejtësi dhe prokurori.