Takim pune me Prokurorinë Publike në lidhje me aktivitetet për monitorimin e procesit zgjedhor

Kryetarja e Komisionit Shtetëror për Parandalimin e Korrupsionit (KSHPK) Tatjana Dimitrovska dhe anëtarët e Komisionit Shtetëror për Parandalimin e Korrupsionit Cveta Ristovska dhe Sofia Spasova Medarska realizuan takim pune me Prokurorinë Publike të Republikës së Maqedonisë së Veriut, i cili ka për qëllim të forcojë koordinimin midis dy institucioneve për ndjekjen e efektshme të procesit zgjedhor.

Në takim u diskutua për përgatitjet e KSHPK-së dhe Prokurorisë Publike, në përputhje me kompetencat e secilit prej dy institucioneve, për të vepruar në mënyrë efikase në mënyrë që të garantohet një proces zgjedhor i qetë dhe i drejtë, si dhe sanksionimi i të gjithë atyre që mund të përpiqen ta prishin atë.

Kryetarja Dimitrovska prezantoi aktivitetet e filluara të KSHPK-së në periudhën parazgjedhore dhe bazën e të dhënave të formuara për automjetet zyrtare që përdoren nga institucionet si aktivitet i parë për të monitoruar përdorimin e tyre në zgjedhjet paraprake.

Prokurori Publik Xhelal Bajrami, i cili është emëruar si kryetar i Komisionit për mbikëqyrjen e parregullsive dhe krimeve të mundshme të lidhura me zgjedhjet, sqaroi përbërjen dhe mënyrën e funksionimit të Komisionit të formuar në Prokurorinë Publike, dinamikën e trajtimit të çështjeve të lidhura me parregullsitë zgjedhore dhe mënyrën e ndjekjes së çështjeve të formuara pas marrjes së njoftimeve në adresën e veçantë elektronike për raportim: izbori@jorm.mk.

KSHPK-ja dhe Prokuroria Publike do të mbajnë komunikim të drejtpërdrejtë dhe do të koordinohen drejtpërdrejt  gjatë veprimit sipas të gjithave raportimeve dhe parashtresave që kanë të bëjnë me parregullsitë e mundshme zgjedhore.