Takimi i mbajtur i Komisionit Shtetëror për Parandalimin e Korrupsionit me Ministrin e Drejtësisë në Qeverinë e Republikës së Maqedonisë së Veriut Dr. Nikolla Tupançevski

Më 25 shkurt 2022, në hapësirat e Komisionit Shtetëror për Parandalimin e Korrupsionit (KSHPK), KSHPK-ja realizoi takim me Ministrin e Drejtësisë në Qeverinë e Republikës së Maqedonisë së Veriut, dr. Nikolla Tupançevski.

Takimi u mbajt me kërkesë të KSHPK-së, me qëllim njohjen e Ministrit të Drejtësisë me anëtarët e KSHPK-së si dhe me aktivitetet aktuale dhe të planifikuara të KSHPK-së në lidhje me ushtrimin e kompetencave të saj ligjore.

Gjatë takimit, KSHPK-ja informoi për aktivitetet në vazhdim për përgatitjen e raportit të parë vjetor për zbatimin e masave dhe aktiviteteve të Strategjisë Kombëtare për Parandalimin e Korrupsionit dhe Konfliktit të Interesave 2021-2025. Në të njëjtën kohë, Ministri Tupançevski u informua se nga KSHPK-ja është dorëzuar në Kuvendin e Republikës së Maqedonisë së Veriut, Raporti i Veçantë për keqpërdorimet e konstatuara në financimin e fushatës zgjedhore për zgjedhjet lokale të vitit 2021, dhe se janë nisur aktivitetet për përgatitjen e Raportit Vjetor të Punës së KSHPK-së për vitin 2021.

DKSK gjithashtu informoi për bashkëpunimin me organet dhe institucionet e tjera, veçanërisht me Prokurorinë e Përgjithshme si dhe me kabinetin e Zëvendës Kryeministrit të Qeverisë së Republikës së Maqedonisë së Veriut, përgjegjës për politikat e qeverisjes së mirë. Ku  gjatë së cilës u theksua rëndësia e bashkëpunimit me Ministrinë e Drejtësisë për zbatimin efektiv të kompetencave ligjore të KSHPK-së.

Në takim u diskutua edhe për aktivitetet për përgatitjen e ndryshimeve të Ligjit për parandalimin e korrupsionit dhe konfliktit të interesave në drejtim të përmirësimit të zbatimit të ligjit dhe eliminimit të dobësive të përcaktuara nga KSHPK-ja në zbatimin praktik të tij. Në këtë kontekst, së bashku u konstatua se është e nevojshme intensifikimi i punës së grupit të punës dhe hapja e një debati publik transparent për të përgatitur një zgjidhje cilësore.

Në takim u diskutua edhe për zbatimin e rekomandimeve të GRECO-s, gjegjësisht për pjesën e rekomandimeve ku përfshihet KSHPK-ja.

Në fund të takimit u shpreh kënaqësia për takimin dhe u shpreh gatishmëria për bashkëpunim të mëtejshëm.