Trajnim për integritet dhe parandalim të korrupsionit për të punësuarit në Agjencinë e Ushqimit dhe Veterinarisë

Në kuadër të aktiviteteve të vazhdueshme për forcimin e integritetit dhe parandalimin e korrupsionit, më 17 korrik 2025, në hapësirat e Komisionit Shtetëror për Parandalimin e Korrupsionit (KSHPK), u mbajt trajnim për të punësuarit në Agjencinë e Ushqimit dhe Veterinarisë (AUV).

Trajnimi u realizua me kërkesë të AUV-it, me qëllim përmirësimin e njohurive mbi zbatimin e sistemit të integritetit, standardet etike dhe masat për parandalimin e korrupsionit dhe konfliktit të interesave.

Përmes prezantimeve dhe diskutimeve, pjesëmarrësit patën mundësinë të njihen me rolin e KSHPK-së, kuadrin ligjor, elementet kyçe të integritetit, si dhe me aspektet praktike të menaxhimit të rreziqeve nga korrupsioni dhe konflikti i interesave.

Trajnimi u realizua nga z. Adem Çuçul, sekretar i përgjithshëm, dhe znj. Aleksandra Çavdarevska, udhëheqëse e Sektorit për Planifikim Strategjik, Bashkëpunim, Projekte, Analitikë dhe Edukim pranë KSHPK-së.

KSHPK-ja mbetet e përkushtuar në forcimin e kapaciteteve të institucioneve në drejtim të një qeverisjeje transparente, etike dhe të përgjegjshme.