Marrëveshje e arritur nga IFES për mbështetje të KSHPK-së në monitorimin e procesit zgjedhor

Komisioni Shtetëror për Parandalimin e Korrupsionit mbajti takim pune me përfaqësues të Fondacionit Ndërkombëtar për Sisteme Zgjedhore (IFES), ku u diskutua për mbështetjen që IFES do të ofrojë në kuadër të bashkëpunimit të vendosur dhe Memorandumit të nënshkruar për bashkëpunim ndërmjet dy institucioneve.

Mbështetja është e drejtuar ndaj zbatimit të kompetencave ligjore të KSHPK-së në lidhje me monitorimin e procesit zgjedhor për zgjedhjet e ardhshme lokale, veçanërisht në mbështetje të segmenteve që kanë të bëjnë me analizën e raporteve financiare të organizatorëve të fushatave zgjedhore dhe përgatitjen e raportit të veçantë mbi financimin e fushatës zgjedhore.

Zëvendëskryetarja e KSHPK-së, znj. Cveta Ristovska, theksoi rëndësinë e mbështetjes së vazhdueshme që IFES ofron në drejtim të forcimit të kapaciteteve të KSHPK-së dhe zbatimit efektiv të kompetencave të saj, veçanërisht gjatë periudhave të proceseve zgjedhore.

Përfaqësuesja e IFES-it, Afrdita Haxhijaja, konfirmoi përkushtimin e Fondacionit për bashkëpunim të mëtejshëm me KSHPK-në, me qëllim sigurimin e një procesi zgjedhor të ligjshëm, transparent dhe me integritet.