Punëtori ndërkombëtare për zbatimin e Konventës së OKB-së kundër korrupsionit (UNCAC)

Kryetari Adem Çuçul dhe anëtari i Komisionit Shtetëror për Parandalimin e Korrupsionit (KSHPK) Besnik Xhemaili morën pjesë në punëtorinë kushtuar zbatimit të Konventës së Kombeve të Bashkuara kundër korrupsionit (UNCAC), e cila u mbajt nga 9–11 qershor 2026 në Tiranë, Shqipëri, e organizuar nga UNODC dhe Iniciativa Rajonale Kundër Korrupsionit (RAI).

 

Kryetari Çuçul ishte panelist në ditën e dytë të punëtorisë, ku prezantoi procesin e vlerësimit të rreziqeve nga korrupsioni, të realizuar për përgatitjen e Strategjisë së re Kombëtare për parandalimin e korrupsionit dhe konfliktit të interesit, si dhe përvojat e KSHPK-së në zbatimin e kontrollit antikorrupsion të legjislacionit.

 

Në punëtori morën pjesë përfaqësues të organizatave ndërkombëtare, institucioneve antikorrupsion nga rajoni, ekspertë kundër korrupsionit, si dhe përfaqësues të sektorit joqeveritar. Gjatë saj u prezantuan përvojat nga zbatimi i Konventës në vendet e Ballkanit Perëndimor, mekanizmat parandalues kundër korrupsionit, mjetet digjitale që përdorin institucionet antikorrupsion, si dhe sfidat me të cilat përballen.