Pjesëmarrje në takimin e 19-të të Nënkomitetit për drejtësi, liri dhe siguri me Komisionin Evropian në Bruksel

Komisioni Shtetëror për Parandalimin e Korrupsionit më 13 dhe 14 mars 2025 mori pjesë në takimin e 19-të të Nënkomitetit për drejtësi, liri dhe siguri me Komisionin Evropian në Bruksel.

Në takim, anëtarët e Komisionit Shtetëror për Parandalimin e Korrupsionit, mr. Cveta Ristovska dhe Besnik Xhemaili, prezantuan arritjet kryesore të institucionit në fushën e parandalimit të korrupsionit dhe konfliktit të interesit gjatë vitit 2024.

Në fjalën e saj, anëtarja e Komisionit Shtetëror për Parandalimin e Korrupsionit, mr. Cveta Ristovska, u fokusua në zbatimin e Strategjisë Kombëtare për Parandalimin e Korrupsionit dhe Konfliktit të Interesit 2021-2025, si dhe në aktivitetet për përgatitjen e Strategjisë së re Kombëtare 2026-2030. Ajo gjithashtu theksoi përpjekjet e Komisionit Shtetëror për Parandalimin e Korrupsionit për ndërtimin e kapaciteteve, proceset e digjitalizimit, përmirësimin e bashkëpunimit me institucionet kompetente, veçanërisht me Prokurorinë Publike, si dhe aktivitetet e tjera për realizimin efikas të kompetencave ligjore të Komisionit.

Gjatë qëndrimit në Bruksel, anëtarët e Komisionit Shtetëror për Parandalimin e Korrupsionit realizuan një takim me ambasadorin Zulfi Ismaili, Shefin e Misionit të Republikës së Maqedonisë së Veriut në Bashkimin Evropian. Gjatë takimit u diskutua mbi gjendjen e luftës kundër korrupsionit në Maqedoni, sfidat me të cilat përballet Komisioni në punën e tij, si dhe mbi planet e ardhshme dhe programin e punës së KSHPK-së.