Komisioni Shtetëror për Parandalimin e Korrupsionit u bë Përdorues Efektiv i CAF-it.

Më 27.03.2024, Komisioni Shtetëror për Parandalimin e Korrupsionit aplikoi në ReSPA (Shkolla Rajonale për Administratë Publike) për një verifikim të jashtëm të procesit të zbatimit të Kornizës së Përbashkët të Vlerësimit (CAF).

Pas miratimit të aplikacionit, ReSPA zbatoi një procedurë të standardizuar për dhënien e komenteve nga ekspertë të jashtëm me përvojë për CAF, me qëllim konfirmimin e zbatimit të duhur të këtij mjeti dhe efektivitetin e rrugës së zgjedhur për zhvillimin e mëtejshëm të menaxhimit të cilësisë.

Procesi i verifikimit të jashtëm u përmbyll më 11.11.2024 me realizimin e një vizite në terren nga dy ekspertë të jashtëm për dhënien e komenteve mbi CAF.

Më 28.02.2025, ReSPA dorëzoi Raportin e Komenteve për CAF dhe vendimin me të cilin Komisionit Shtetëror për Parandalimin e Korrupsionit i është dhënë statusi i Përdoruesit Efektiv të CAF-it.

Në tre vitet e ardhshme, deri në skadimin e vlefshmërisë së kësaj shenje, Komisioni Shtetëror do të mbetet i përkushtuar në zbatimin e plotë të Planit të Përmirësimit, me fokus të veçantë në menaxhimin e cilësisë në të gjitha segmentet e veprimtarisë, duke kontribuar kështu në përmirësimin e sistemit të integritetit që zbatohet në institucion.