Integriteti është përgjegjësi e përbashkët e institucioneve dhe e komunitetit të biznesit

Kryetari i Komisionit Shtetëror për Parandalimin e Korrupsionit, Adem Çuçul, më 14 maj mori pjesë në konferencën “Biznes me integritet për ekonomi konkurruese”, të organizuar nga Fondacioni Konrad Adenauer në kuadër të projektit të bashkëfinancuar nga BE-ja “Biznes me integritet Maqedonia e Veriut – Mobilizimi i ndërmarrjeve të vogla dhe të mesme si liderë kundër korrupsionit”.

Në fjalën e tij, Adem Çuçul theksoi se integriteti në sektorin e biznesit nuk është vetëm çështje etike, por edhe çështje e konkurrueshmërisë, besimit, stabilitetit dhe zhvillimit afatgjatë ekonomik.

 “Është e domosdoshme që sistemi i integritetit të zhvillohet paralelisht si në sektorin publik, ashtu edhe në atë privat. KSHPK-ja qëndron në dispozicion për të kontribuar përmes mbështetjes në identifikimin e rreziqeve të korrupsionit dhe avancimin e integritetit në veprimtarinë afariste”, theksoi Adem Çuçul.

Ai theksoi se rreziqet e korrupsionit më së shpeshti paraqiten në pikat e kontaktit ndërmjet sektorit publik dhe atij privat — prokurimet publike, mbikëqyrja inspektuese, lejet, subvencionet, koncesionet dhe procedurat e tjera në të cilat kompanitë komunikojnë me institucionet.

 “Integriteti nuk është obligim vetëm i institucioneve. Ai është përgjegjësi e përbashkët. Sektori publik duhet të sigurojë rregulla të qarta, të parashikueshme dhe të barabarta për të gjithë, ndërsa sektori privat duhet të dëshmojë se suksesi bazohet në cilësi, profesionalizëm, konkurrencë të ndershme dhe veprimtari të ligjshme”, theksoi Adem Çuçul.